भाजे शाळेत मोठ्या आनंदात दीपोत्सव साजरा
लोणावळा,संपादक: संजय पालवे,
विद्या प्रसारिणी सभेच्या शतक महोत्सवी वर्षानिमित्त श्रीमती शांतीदेवी गोपीचंद गुप्ता विद्यालय व कनिष्ठ महाविद्यालय तसेच श्री विद्या बालक मंदिर, भाजे या दोन्ही शाळांच्या संयुक्त विद्यमाने दीपोत्सव कार्यक्रमाचे आयोजन करण्यात आले.
प्राचार्य श्री संतोष पवार व मुख्याध्यापिका सौ स्वाती रगडे व सर्व शिक्षक शिक्षकेतर यांच्या हस्ते पणत्यांची रोषणाई करण्यात आली. कलाशिक्षक धुळाजी देवकाते, संभाजी तुपे, बाळू शिरसाट, बाळासाहेब कोकणे, गहिनीनाथ बारगजे, विजय कवडे, मुकुंद भोसले, नामदेव कडू, जगन्नाथ दोरकर , हनुमंत इंगवले यांनी परिश्रम घेतले. शिक्षक प्रतिनिधी देविदास खेडकर, शिल्पा आंबेकर तसेच सर्व शिक्षक, शिक्षिका व बालक मंदिर शाळेचा सर्व स्टाफ तसेच विद्यार्थी मोठ्या संख्येने उपस्थित होते. कार्यक्रमाची सुरुवात राष्ट्रगीत व प्रार्थनेने झाली. दीपोत्सवानिमित्त शालेय इमारतीला विद्युत रोषणाई करण्यात आली तसेच संस्थेच्या शतक महोत्सवानिमित्त पणत्यांच्या साह्याने रांगोळी व दिव्यांची आरास करण्यात आली. दिव्यांचे महत्त्व सांगणाऱ्या संस्कृत श्लोकांचे पठण करण्यात आले. कार्यक्रमाचे सूत्रसंचालन पर्यवेक्षक मकरंद गुर्जर यांनी केले. सर्वांना दीपावलीच्या शुभेच्छा देऊन व खाऊ वाटप करून कार्यक्रमाची सांगता झाली.
