गुप्ता विद्यालयात दहीहंडी उत्सव साजरा
मळवली, संपादक:संजय पालवे
दरवर्षीप्रमाणे यावर्षीही आपल्या विद्यालयात दहीहंडी उत्सव मोठ्या उत्साहाने साजरा करण्यात आला. सर्व विद्यार्थ्यांनी आनंदाने सहभाग नोंदवला.
प्रत्येक वर्गातील मुलांच्या व मुलींच्या गोविंदा पथकांनी मानवी थर रचून दहीहंडीला सलामी दिली.
इयत्ता दहावीच्या व कनिष्ठ महाविद्यालयाच्या विद्यार्थ्यांना दहीहंडी फोडण्याचा बहुमान देण्यात आला. सर्व विद्यार्थ्यांनी एक एक वाटी पोहे, लाह्या, मुरमुरे इत्यादी साहित्य जमा केले. श्रीमती कविता गायकवाड, श्रीमती मनीषा जगताप व इतर सहकाऱ्यांनी मिळून गोपाळकाला तयार केला. प्राचार्य श्री संतोष पवार यांच्या हस्ते भगवान श्रीकृष्णाच्या प्रतिमेचे पूजन करण्यात आले. शिक्षक प्रतिनिधी श्री गणेश गायकवाड व शिक्षकेतर प्रतिनिधी श्री जयराम उंबरे तसेच सर्व शिक्षक व शिक्षकेतर उपस्थित होते. सर्व शिक्षक व शिक्षकेतर सेवक यांच्या सहकार्याने कार्यक्रम यशस्वी झाला. https://youtu.be/GqZzO8MPW7Y?si=I4z1jGPEssxDmo84
